Маңғыстау өңіріне қоқиқаздар ұшып келді, деп хабарлайды inbusiness.kz.
Үстірт мемлекеттік табиғи қорығы мамандарының айтуынша, қоқиқаздардың көктемгі миграциясы басталды. Бүгінде шамамен 5 мың қоқиқаз келген.
Үстірт мемлекеттік табиғи қорығының ғылыми қызметкері Жасқайрат Нұрмұханбетов көктемгі миграция ақпаннан наурызға дейін жалғасатыны айтты. Ал, күзгі миграция қыркүйек пен қазан айларында болады.
Қоқиқаз – "Қызыл кітапқа" енген жыл құсы. Қанаттылар "Қарақия" көлінде шамамен 15 күн болып, ары қарай тропикалық жылы аймақтарға ұшып кетеді.
