Синоптиктердің мәліметінше, наурыз айында ауа райы құбылмалы болады, деп хабарлайды BAQ.KZ.
Дегенмен, алғашқы онкүндікте еліміздің барлық өңірінде күн жылып, оңтүстік аймақтарда температура +20 градусқа дейін көтеріледі.
Қазгидрометтің болжамына сәйкес, республиканың басым бөлігінде жауын-шашын қалыпты мөлшерден көп түседі, әсіресе оңтүстік-батыс және оңтүстік өңірлерде нормадан асып түсуі мүмкін.
Синоптиктер наурыздың алғашқы онкүндігінде ауа температурасының жоғарылайтынын, алайда артынша күннің күрт суыту қаупі бар екенін ескертеді.
Екінші онкүндікте:
Солтүстік өңірлерде түнде ауа температурасы -10...-15°С-тан -5...+3°С-қа дейін, күндіз -2...-13°С-тан +2...+10°С-қа дейін көтеріледі.
Оңтүстік аймақтарда түнде -5...+5°С-тан +2...+10°С-қа дейін, күндіз +3...+8°С-тан +10...+20°С-қа дейін жылы болады.
