$499.11 €521.12 ₽5.58
×

Атыраулықтар ауызашарға ет таппай, базарда сабылып жүр

AstanaTV
03.03.2025ж. 20:00
97
Атыраулықтар ауызашарға ет таппай, базарда сабылып жүр

Атыраулықтар  ет таппай, базарда сабылып жүр. Сөрелер бос тұр.  Ал Қостанайда  көкөніс қымбаттаған.  Картоп, пияз, қырыққабат құны шарықтап кеткен.  Мұның қандай себебі бар? Аймақтардағы тілшілеріміз  айтады.

Заңғар САНАЙ, ТІЛШІ:

Ұлттық статистика мәліметіне жүгінсек,  өңірде қарақұмық ,сәбіз, күріш, жұмыртқа бағасының төмендеуі байқалады.  Ал тұрғындар мұнымен келіспейді. Айтуынша, жұмыртқа қымбаттаған. Көкөніс,өсімдік майы мен еттің құны едәуір өскен.

БЛИЦ:

- Картоп қымбат.Қияр мен помидор бәрі қымбат.Ораза кезінде ешқандай қымбат қыллдырмау керек ғой. 

-Азық-түлік алуға жұбайымыз екеуіміз барып тұрамыз.айдың басында әсіресе.Енді оразаға дейін бардық біз.

- Бағаның өскені байқалып тұр.Күннен –күнге жұмыртқаға 10 теңге қосылады немесе басқа да азық-түліктердің үстіне қосылып жатыр.Ораза басталғалы көтеріледі Әсіресе сухопродукталараға  баға көтеріліп  кетті.

Азық-түлік бағасын тұрақтандыру мақсатында қала билігі жиі жәрмеңке ұйымдастырады. Келесі жәрмеңке наурыздың он бесіне белгіленіп отыр. Онда азық –түліктің 120  түрі арзан бағамен сатылмақ.

Заңғар САНАЙ, ТІЛШІ:

Қаладағы ірі сауда орындарында  әлеуметтік маңызы бар азық-түлік жеткілікті. Құны да қолжетімді. Супермаркет сөрелеріндегі бағаны жауаптылар бақылауда ұстап отыр. Бірақ базардағы баға шарықтап тұр. Біздегі жағдай осындай. Ал Атырауда азық-түлік құны  қалай  екен? Оразаға байланысты өзгерістер бар ма? Әріптесім Базаргүл Нәдірқызы баяндайды.

БАЗАРГҮЛ НӘДІРҚЫЗЫ, ТІЛШІ:

Заңғар, жергілікті атқамінерлер күн сайын бағаны бақылауда ұстап отырмыз дегенмен, кейбір азық-түліктің кейбір түрі бізде де бағынбай тұр. Атыраулықтар ауызашарға ет таппай, базарда сабылып жүр. Барының бағасы аспанда.


Ет дегенде бет бар ма деген халық соңғы аптадан бері етке беттей алмай отыр.  Өйткені бұрын 2200 теңгеден сатылған сиыр етінің келісі үш мың теңгенден бір шыққан.  Онда да  өте аз.  Ет павильонында   сауда сылбыр. Сөрелер  бос тұр.  Бұқара бағаны естіген бойда, теріс айналады. Сатушылар да көңілсіз.

НҰРИЯ ЖАКУПОВА, ҚАЛА ТҰРҒЫНЫ:

Бұрын 2200-2300ден алып жүрдік.  Қазір 2800-3000 деп тұр.  Қымбат өте. Ораза үшін кішкене жеңілдік болу керек деп ойлаймын. Қазір халал дүкендерге барсаң тіпті қымбат, 3500-3800 еттер.  Жақындатпайды. Оразаға байланысты түсіру керек деп ойлаймын бағаны.


КЛАРА ЕРҒАЛИЕВА, САТУШЫ:

Неге қымбат ұстап отырсыз,- дейді. Апа, мен  өзім 2800ден алып жатырмын дедім. Үстінен 1500 таксиге береміз.  Балалар түсіреді оған береміз, лабораториямыз бар. 2800ден кері сатып жатырмын. Не істеймін енді жүрмей жатыр.  Мал жоқ болғанымен, алушылар да жоқ базарда.

Әлеуметтік маңызы бар  өзге азық-түлік бағасы тұрақты,- дейді аптасына екі мәрте мониторинг жүргізетін мамандар.  Өйткені көкөністер тұрақтандыру қоры арқылы  сауда орындарында сатылып жатыр. Бірақ  сиыр етінің бағасын тұрақтандыру қолымыздан келмейді,- деп отыр. Өйткені  жергілікті және Атырауға мал әкелетін көрші облыс шаруалары төрт түлікті өзге мемлекетке саудалауға көшкен.

ЕРКЕБҰЛАН ТАҒАШЕВ, САУДА ЖӘНЕ ТҰТЫНУШЫЛАРДЫҢ ҚҰҚЫҚТАРЫН ҚОРҒАУ ДЕПАРТАМЕНТІ БАСШЫСЫНЫҢ ОРЫНБАСАРЫ:

Көбінесе Өзбекстанға кетіп жатыр. Сол себепті қазіргі уақытта жергілікті орган мен жоғары жаққа үкіметке ұсыныс берілді. Шекараны жауып, еттің мәселесін  шешу. Өйткені біздерде соның кесірінен қымбаттауы мүмкін деген. Біз өзіміз шеше алмаймыз тікелей. Соңғы күні жол боран. Атыраудың өзінде өсіріп жатқан мал аз.  Келетін Орал жатан, Ақтөбе жақтан мал келеді. Оынң жолдары қиын болып тұр жеткізге. Сондықтан сөреде аз боп тұр.


Базарда ет аз болса да, сөрелерде ауызашардың басты тағамы құрманың 10 шақты түрі самсап тұр. Бәрі импорт. Берісі Ресей, әрісі Иран мен Түркиядан әкелген. Келісі 1500ден басталып, бес мың теңгеге дейін сатылуда.

БАЗАРГҮЛ НӘДІРҚЫЗЫ, ТІЛШІ:

Алланың мейірімі төгілген Рамазан айының сауабына кенелгісі келіп, ауызашар беруге асыққан  халық  қалтасына қарап көсіліп жүр.  Қасиетті айда азық-түлік бағасын  қырық құбылтпауын сұрайды.

З. Санай