Шығыс Қазақстан облысында еңбеккерлерді қолдау мақсатында «Отбасы банкімен» бірлесіп, өңірлік «Шығыс маманы» жеңілдетілген ипотекалық бағдарламасы іске қосылды. Бұл туралы Президент қабылдауында болған облыс әкімі Нұрымбет Сақтағанов мәлімдеді. Сондай-ақ, өткен жылы өңірде жалпы көлемі 400 мың шаршы метрден астам тұрғын үй пайдалануға беріліп, 46 жаңа өндіріс орны іске қосылған. Бұдан бөлек, облыс әкімі өңір тұрғындарын толығымен таза ауыз сумен қамтамасыз ету жөніндегі міндет жыл соңына дейін орындалатынын жеткізді. Бұл бағытта құны 14 миллиард теңге болатын 8 жоба жүзеге асырылады. Президент Нұрымбет Сақтағановқа облыс экономикасын әртараптандыру, қайта өңделген өнім экспортын кеңейту және инвестиция тарту жұмыстарын күшейтуді тапсырды.
НҰРЫМБЕТ САҚТАҒАНОВ, ШЫҒЫС ҚАЗАҚСТАН ОБЛЫСЫНЫҢ ӘКІМІ:Барлық қалалар мен аудандар бойынша тиісті экономикалық өсу тетіктерінің жоспарлары бектілген. Мемлекет басшысы Шығыс Қазақстан облысын одан әрі дамыту және өңір тұрғындарының өмір сүру деңгейін жақсарту жөнінде бірқатар тапсырмалар берілді. Бұл тапсырмалардың барлығын уақытылы және сапалы орындалады деп сендіремін.
