Тобыл өңірінде аналарға айрықша құрмет көрсетілді. Әсіресе жұмысшы мамандық иелері ілтипатқа кенелді.Ақ жаулықты аналар мен көрікті қыз-келіншектердің басын қосқан игі шара Қостанай ауданында өтті. Механизатор Құндызай Ибраеваның есімі елге мәшһүр.Ол тың игеру тұсында 15 жыл трактор тізгіндеп, маңдай терін төккен.Ерен еңбегі еленіп Қызыл Ту орденімен марапатталды. Ол Социалистік Еңбек Ері Кәмшат Дөненбаевамен бірге жұмыс істегенін мақтан тұтады. Еңбек адамды төрге шығарады. Адал еңбекпен атың елге танылады дейді, Құндызай Ахметоллақызы.
ҚҰНДЫЗАЙ ИБРАЕВА, ЕҢБЕК АРДАГЕРІ:
Кейінгі мынау келіндерге,жас қыз-келіншектерге айтатыным, өзімнің балаларыма айтатыным.Балаларға тәрбие беріп, қыздарға тәрбие беріп, оқытып, жеткізіп, кейінгі үлкен ата-аналарды сыйлап.Соларға үлгі болса.Соған мен қуанар едім.
Ал Айтжан Амангелдіқызы -көпбалалы ана. Оның өмірі көпке өнеге. Кішкентаевтар әулеті Ұлттық байқауда «Парасатты отбасы» деген аталымды жеңіп алған. Ұл-қыз өсіріп, немере бағып отырған аяулы жан ағынан жарылып, көріктілерге ақ тілегін жолдады. Ал әйелдер қауымына эстрада жұлдыздары ән жолдап, көпшіліктің көңілін бір серпілтіп тастады.
АЙТЖАН КІШКЕНТАЕВА, КӨПБАЛАЛЫ АНА:
Көктем келді.Көктем келген соң әрине әр әйел құлпырып, жайнап шығады. Бүгін мінекей 8 наурыз мерекесіне бізді аудандық мәдениет үйіне шақырды.Жақсы керемет көңіл күймен. Анамын, әйелмін.Сондықтан да еліме-жеріме тыныштық,саулық амандық.Еліміз осылай әйелдер сияқты жайнап, құлпырып биіктен көрінетін болсын.
