Ассамблея тек этностардың мәдениетін дамытумен айналыспайды. Ол - елдегі бірлік моделін насихаттайтын ұйым. Бүгін Елордадағы халықаралық жиынға келгендер осылай деді. Қазақстан халқы ассамблеясының 30 жылдығына орай өткен іс-шарада институттың бейбітшілікті сақтаудағы рөлі талқыланды. Сондай-ақ ұйымның бағындырған белестері мен алдағы даму бағыттары айқындалды.
РУФИНА УСАНОВА, "ҚОҒАМДЫҚ КЕЛІСІМ" РММ ДИРЕКТОРЫНЫҢ ОРЫНБАСАРЫ:
Ассамблея тек қана этностардың мәдениетін дамытатын ұйым емес. Қоғамда сондай бір пікір қалыптасқан, бірақ ол пікір дұрыс емес. Ассамблея - жалпы қазақстандық бірлік моделін насихаттайтын институт. Түрлі жобалар бар. Оның ішінде қайырымдылыққа бағытталған шаралар бар, мемлекеттік тілді дамытатын көп шараларды өткізіп жатырмыз.
А. Салдатбек
