Жаңа Оңтүстік Уэльс штатының полициясы жексенбі күні Сиднейдің солтүстігіндегі сауда орталығында болған пышақпен шабуылдаған оқиғаға қатысты төрт жасөспірімге айып тағылғанын мәлімдеді. Бұл туралы Синьхуа агенттігі хабарлады.
Ресми мәлімдемеге сәйкес, төтенше қызметтер сенбі күні жергілікті уақытпен сағат 15:00 шамасында сауда орталығында шабуыл жасалғаны туралы хабар алған.
Зардап шеккендер — 21 жастағы ер адам және 27 жастағы әйел. Бес жасөспірім екі қыз бен үш ұл алдымен ер адамға шабуыл жасап, оған көмек көрсетуге келген әйелді жаралаған.
Ер адам аяғынан жарақат алып, жеке заттары ұрланғанын хабарлады. Оған оқиға орнында медициналық көмек көрсетіліп, кейін ауруханаға жеткізілді.
Оқиғадан көп ұзамай полиция Сиднейдің солтүстігіндегі басқа сауда орталығынан күдікті бес жасөспірімнің төртеуін тапты. Олар 16 жастағы 3 ұл мен 15 жастағы бір қыз. Жасөспірімдер полиция бөлімшесіне жеткізіліп, оларға ресми айып тағылды.
Бұл туралы Қазақпарат хабарлайды.
