13 наурыздан бастап әскери техникалар мен жеке құрам сарбаздары Астанаға ағылады. Жеңістің 80 жылдығына арналған әскери парадқа дайындық басталды. Осыған байланысты кей аймақтарда жол қозғалысына уақытша шектеу енгізілуі мүмкін. Сондай-ақ, 22 сәуір мен 7 мамыр аралығында әскери авиацияның жаттығулары өтеді. Астана аспанында ұшақтардың ұшуына шектеу қойылуы мүмкін. Әуе рейстерінің кестесіне де өзгерістер енгізіледі. Жауапты ведомства рейстер туралы ақпаратты алдын-ала нақтылауды және енгізілген шектеулерге түсіністікпен қарауды, тек ресми дереккөздерге жүгінуді ұсынды.
