«Астана-Шідерті-Павлодар-Үспен» тас жолының бойында бір шақырым аумақты су басып қалды, деп хабарлайды Astana TV.
Бұл туралы «ҚазАвтоЖол» компаниясы ақпарат таратып, видео ұсынып отыр. Дереккөзге сүйенсек, қар суы әзірге 100-150 метр жерді басқан. Дегенмен, сақтық танытқан құтқарушылар 200 тонна құм мен 800 қап дайындап қойған.
«Қазір жолдан көліктер кедергісіз өтіп жатыр, жағдай бақылауда», - деп хабарлайды компанияның баспасөз қызметі.
