Елімізде тазы мен төбет күнін ауыстыру керек. Себебі 3 қыркүйек тарихи әрі мәдени дәстүрге сәйкес келмейді. Бұл туралы сенатор Бибігүл Жексенбай өзінің депутаттық сауалында көтерді. Дәстүр бойынша Қазақстан да аң аулау маусымы қараша айында алғаш қар түскенде – қансонарда басталады. Сондықтан мерекені өзгерту керек деді.
БИБІГҮЛ ЖЕКСЕНБАЙ, ҚР ПАРЛАМЕНТІ СЕНАТЫНЫҢ ДЕПУТАТЫ:
Тазы мен төбет күнін осы кезеңге орайластырып, қарашаның бірінші жексенбісіне белгілеуді қарастырған жөн. Бұл өз кезегінде мерекенің аңшылық әрі саятшылық дәстүрлерімен байланысын күшейтеді.
