Алматы қаласының төтенше жағдай департаменті қала тұрғындары мен қонақтарын таулы аймаққа шықпауға шақырды, деп хабарлайды inbusiness.kz сайты.
Департамент "Қазгидрометтің" дауылды ескертуінің негізінде 24 наурызда Алматыда күндіз қатты жауын-шашын жауатынын хабарлады.
"Қалада найзағай күтіледі, сондай ақ солтүстік шығыстан солтүстік батысқа қарай жел соғып, жел екпіні секундына 18 метрге дейін жетеді. Қатты жауын-шашын немесе қатты жел туралы дауыл туралы ескерту жарияланған жағдайда, тіпті таулы аймаққа баруды кейінге қалдырған дұрыс", - делінген хабарламада.
ТЖД қала қонақтары мен туристеріне жеке қауіпсіздік шараларын сақтап, тауға шықпауға шақырды.
