Түркістан облысы Сайрам ауданында үш адам ауылдастарының сеніміне кіріп, олардың аттарынан онлайн тауарлық несие рәсімдеген. Үш айыпталушының әрбіріне бүгін сот 4 жыл 8 ай мерзімнен жаза кесті. Судья Дана Тойжанова сотталғандардың алаяқтық жасауды әу бастан жоспарлағандарын айтады. Ұзын саны 141 жәбірленуші. Барлығы Сайрам ауданының жұмыссыз, үйінде отырған тұрғындары. Олардың әрқайсының атынан 340 мың мен 2 млн теңге аралығында тауарлық несие рәсімделген. Қылмыстық пиғылын жүзеге асыру үшін алынған тауардың ақысын қолма қол ақшаға айналдыру үшін екі таныс кәсіпкердің көмегіне жүгінген. Олар өздерінің үлесін алып отырған. Жәбірленушілер тек банктен бірнеше айдан соң төлем жасау туралы ескерпе келгенде бір ақ білген.
ДИНА ТОЙЖАНОВА, САЙРАМ АУДАНДЫҚ СОТЫНЫҢ СУДЬЯСЫ:
Юлдашев олардың үйіне келіп, өзінің жалюзи перде цехын ашқанын, оған ақша қажет екенін, тендер ұтып алғанын айтқан. Жұмысқа қабылдайтынын, үйінде отыра беріп, жалақы алып отыратынын айтқан. Жәбірленушілер соған сеніп, және де тауарлы несиені өзі жабатынын 6 айда, оларға ешқандай да қиындық болмайтынына сендірген.
Сотталғандардан азаматтардан аляқтық жолмен алынған миллиондарды жәбірленушілерге қайтару міндеттелді. Бірақ жаза арқалағандар өз қылмыстарын ішінара ғана мойындағаны айтылды. Оларға жазасын қылмыстық атқару жүйесінің қауіпсіздігі орташа мекемесінде өтеу белгіленді. Үкім жазды күшіне енген жоқ.
