Алматы облысындағы Асқар Тоқпанов ауылының тұрғындары үшін таза ауа - 15 жылдан бері қол жетпес арманға айналған. Себебі 60-тан асқан ауыл тұрғыны үйінің ауласын шошқа фермасына айналдырған. Жергілікті әкімдік бұл мәселені реттеуге қауқарсыз. Себебі неде? Жомарт Түзелбай анықтады.
ЖОМАРТ ТҮЗЕЛБАЙ, ТІЛШІ:
Біз қазір ауылда емес құдды шошқа фермасында жүргендейміз. Қолқаны алатын иістен тұрғындар әбден тұншыққан. Таза ауа жұту мұңға айналды деп мұңдарын айтып отыр. Алпысты алқымдаған қария 50 шақты шошқаны ауласында бағуда. Көршілерінің шағымын елер емес.
Тұрғындар 15 жылдан бері сасық иіске, антисанитарияға және шошқалардың көшеде еркін жүруіне шыдап келеді. Олар әкімдікке, санитарлық қызметке, құқық қорғау органдарына талай рет шағымданған. Бірақ мәселе шешілмей, керісінше ушығып барады. Себебі шошқа бағушы ешкімнің талабын орындауға асығар емес. Көршілер тек иіске ғана емес, шошқалардың көшеде емін-еркін жүруіне де наразы.
ЖАНАР ЫРЫМЖАНОВА, АУЫЛ ТҰРҒЫНЫ:
Терезе аша алмаймыз өмірі. Кір жая алмаймыз. Балалар шығып ойнай алмайды. Мынау деген сұмдық енді білмеймін айта алмаймын. Акиматқа барып бәрін жаңағы штрафтарын салдырып жатырмыз. Дау- дамайсызды шақырдық. Ешкім ештеңе істей алмайды. Вобщем бізге қиын. Мына жерде тұру деген. Мусор деген енді ужас, иіс ужас ужас.
СОВЕТХАН ҚОЖАМБЕРДИЕВА, АУЫЛ ТҰРҒЫНЫ:
Өткен кезде мына шошқалар да нелерде жүгіріп мына балаларға да не бермейді. Жүруге де мүмкіндік бермейді. Талай рет қуалаған балаларды. Оларды тағы да мына мусорды күнде қарасаң күнде жинап әкеліп жатады. Кішкене мен алыстау тұрсам да біз жақа келеді сасықтың бәрі. Енді бұл кісіге бір шара қолдану керек. Осы арадан көшіру керек па? Жер аудару керек па?
Жергілікті билік өкілдері бұл тұрғынның әрекеті заңсыз екенін мойындайды. Бірақ әкімдік те, полиция да оның жеке меншік аумағына араласа алмайды. Сондықтан мәселенің жалғыз шешімі – сот дейді ауыл әкімі.
БАУЫРЖАН ЖҰМАБАЕВ, АСҚАР ТОҚПАНОВ АУЫЛДЫҚ ОКРУГІНІҢ ӘКІМІ:
2022-ші жылдан бері бұл кісімен бірге осындай заң бұзушылық арқылы жұмыс жасап келе жатырмыз. Бұл кісіге айыппұл салынады. Бірақ сол айыппұлдың 50% теңгемен бұл кісі төлеп тастап отыр. Бұл жерде ең басты мәселе бізге қазір соттың шешімі керек болып тұр. Өйткені өздеріңіз білесіздер бұл біреудің жеке меншік териториясы болғаннан кейін біз оған басакөктеп кіре алмаймыз.
Тұрғындардың соңғы үміті соттың әділ шешімінде. Егер шошқа қораны жоюға үкім шығарса, әкімдік оны орындауға міндетті. Ал нақты шешім қашан шығатыны әзірге белгісіз.
