Ресейдің Ставрополь аймағында ерлі-зайыптылар арасындағы жанжал адам шошырлық кісі өлімімен аяқталды. Ер адам қылмысын жасыруға тырысқанымен, ар-ұяты жібермей, полицияға өз еркімен берілді. Бұл туралы Azattyq Rýhy агенттігі SHOT Telegram каналына сілтеме жасап хабарлайды.
Жаға ұстатарлық оқиға ерлі-зайыптылар арасындағы жанжалдан кейін туындайды. Ашуланған 46 жастағы ер адам жұмысынан кейін демалуға мүмкіндік бермеген әйелін қолына күрек алып, ұрып-соққан.
Жұбайы алған соққыдан сол жерде тіл тартпай кетті. Күйеуі қылмысын жасырмақ болып, марқұмның денесін 200 литрлік бөшкеге тығып қойған. Ол мәйітті өз көлігімен орманға апарып, жерлейді.
Бір-екі күннен кейін шыдай алмай полицияға өз еркімен берілді. Ол тәртіп сақшыларына мәйіттен қалай құтылғанын айтып, жерленген орнын көрсетті. Қылмысын жасыру үшін түрлі машиналарды пайдаланған.
