Алматы облысы Қарасай ауданындағы демалыс аймағында өртенген көлік табылды.
Ал машина ішінен белгісіз адамның мәйіт қалдықтары шықты. Облыстық полиция департаменті кісі өлтіру дерегі бойынша сотқа дейінгі тергеу бастады. Күдікті ізін суытпай ұсталды. Ол- бұрын сотталған, 43-тегі ер адам. Марқұммен бизнес бойынша мәмілеге келе алмай, оның басын балғамен ұрып өлтіргенін мойындаған көрінеді.
