Жеті жастағы қызды жүк көлігі жаяу жүргіншілер жолында қағып кетті. Қайғылы оқиға бүгін түсте Алматыда болды. Полицияның мәліметінше, Renault жүк көлігінің жүргізушісі Бурундай көшесімен батыс бағытта келе жатып, Новая көшесінің қиылысында жолдан өтіп бара жатқан баланы қағып кеткен. Оқиға қыздың анасының көз алдында болған. Тергеу амалдары жүріп жатыр.
САЛТАНАТ ӘЗІРБЕК, ҚАЛАЛЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:
Қылмыстық кодекстің 345- бабының 3-ші тармағы бойынша қылмыстық іс қозғалып, қазіргі таңда жүк көлігінің жүргізушісі қамауға алынды. Тиісті сараптамалық зерттеулер тағайындалды. Басқа да мән жайлар анықталу үстінде. Міндетті түрде тергеу барысында анықталатын болады. Көлік жүргізушісі 1959 жылғы. Қаза болған кішкентай қыз 2017 жылғы.
