Қостанайда жедел жәрдем фельдшерін соққыға жыққан апалы -сіңліге қатысты сот шешімі шықты .Оқиға өткен жылдың желтоқсан айында болған еді. Жедел жәрдем қызметкерлері науқасқа медициналық көмек көрсетуге келген. Ақ халаттылар қарияның өмірін сақтап қала алмаған. Марқұмның қыздары қатты ашуланып, фельдшерді ұрып соғады. Соның салдарынан Анель Баймурзина ауруханаға түседі.Ал медицина қызметкеріне қол көтерген 41 және 51 жастағы апалы-сіңліге іс қозғалды.Сот барысында айыпталушылар кінәсін мойындамай, судьяға нарызылық білдірді.Фельдшердің шашынан жұлып, бетін тырнап қасақана денсаулығына зиян келтірген қос күдікті 1 жылға бас бостандығын шектеу жазасына кесілді.Моральдық өтемақы ретінде 1 миллион және адвокаттың қызметіне жұмсалған 1 миллион теңгені төлеуге міндеттелді.
ТАЛҒАТ КЕТПЕНБАЕВ, ҚАЛАЛЫҚ СОТТЫҢ СУДЬЯСЫ:
108 –ші баптың, ескертпе бірінші бөлімі екінші тармағы 2,4 бойынша бір жылға бас бостандығын шектеу жазасы тағайындалсын. Пробациялық бақылау орнатылсын.
