Астанада 330 тұрғын үйде өрт дабылы жұмыс істемейді. Төтеншеліктер осылай дейді. Олар әлі 600 ғимаратты тексермеген. Оның нәтижесі қалай болары белгісіз....Жұрт тілсіз жаудан қалай сақтандырылады? Тілшіміз Дәрібек Бахытбек айтады.
ДӘРІБЕК БАХЫТБЕК, ТІЛШІ:
Өрт шықты. Өрт шықты. Іште кім бар тез шығындар.
Мұндай кезде лифтке мінуге болмайды. Тым жоғарғы қабатта болсаң да бірден баспалдақ арқылы төменге түсуін қажет.
Сосын 101 телефоны арқылы тез арада хабар таратып, мекенжайынды, өрт шыққан жерін, не жанып жатқанын және ғимараттағы адамдар саны туралы дереу хабарлауын қажет.
Өрт дабылы сақтық үшін орнатылады. Барлық үйде болғанымен, бәрі бірдей жұмыс істей бермейді. Тіпті оны тексеріп, ескеріп жатқандар жоқтын қасы.
БЛИЦ:
- Огнетушитель деген ондай жоқ бізде подьезде. Біздің үйде білмеймін өрт сөндіруге қарсы сондай шаралар бар ма, жоқ па? Бізге түсіндірілген де жоқ. Айтылған да жоқ.
- Өрттің тем более өрт алдын алу керек бәрін. Халық сақтандырылу керек.
Мамандардың айтуынша, бас қаладағы көпқабатты тұрғын үй кешендерінің үштен бірінде өрт қауіпсіздігі жүйесінде ақау бар. Яғни өрт дабылы мен түтіннен қорғау жүйесі не істемейді, не мүлде жоқ.
АСХАТ АМАНТАЕВ, АЛМАТЫ АУДАНЫ ТӨТЕНШЕ ЖАҒДАЙЛАР БАСҚАРМАСЫНЫҢ БАС МАМАНЫ:
Расында да осындай тұрғын үйлерде өрт қарсы автоматиканың істен шыққаны орын алып жатыр. Жанағы істемеген туралы жеткізілді пәтер иелері коперативінің төрағасына. Бұл кемшіліктер жақын арада жойылады. Обслуживать ететін организация келіп сол кемшіліктерді жояды.
Егер тұрғындар өрт дабылын талап етіп, арызданса, мәселені тек тұрғын үй-коммуналдық шаруашылықты жаңғырту бағдарламасына қатысу арқылы ғана шеше алады. Сосын мемлекет өртке қарсы заманауи жүйелерді орнатуға қажетті қаражат бөледі. Алайда бұл міндет техникалық байқау актілері басқарушы компаниялары мен КСК-ға артылған.
