Алматыда Әл-Фараби атындағы Қазақ Ұлттық университетінде «Ғылым, бизнес және өндіріс ынтымақтастығы» атты форум өтті. Онда қашықтан зондтау, робототехника, суперкомпьютерлік технология, биотехнология және нанотехнология бағытында жасалған жобалар таныстырылды. Мегаполисте 130-дан аса ғылыми-зерттеу орталығы бар. Қала әкімдігі шаһар дамуының жеті негізгі бағытына сәйкес жобаларға 10 миллиард теңгеге дейін бөлуге дайын.
ЕРБОЛАТ ДОСАЕВ, ҚАЛА ӘКІМІ:
Бүгінгі таңда еліміздегі ғылыми қоғамдастықтың алдында келесі күрделі мәселелер тұр: ғылыми әзірлемелерге сұраныстың төмендігі, оларды нақты экономика секторына енгізудің қиындығы, зерттеу жұмыстарының сапасы мәселелері. Осы сұрақтарды шешу үшін 2024 жылдың қыркүйек айында Алматыда қала әкімдігі жанынан Ғылым және технологиялар жөніндегі кеңес құрылды. Бұл - ғалымдар, бизнес өкілдері және мемлекет арасындағы диалогқа арналған жаңа алаң.
Форумда Қазақ ұлттық университеті өкілдерінің дайындаған ғылыми жұмыстары мен технологиялары таныстырылды. Мәселен, биологиялық актив заттарды тасымалдауға арналған эффективті мобильдік бокс көпшілік назарына ұсынылды.
НҰРЗАДА БЕЙСЕН, ӘЛ-ФАРАБИ АТЫНДАҒЫ ҚАЗҰУ ФИЗИКА-ТЕХНИКА ФАКУЛЬТЕТІНІҢ ДЕКАНЫ:
Жасанды интеллект пайдалану арқылы көзілдірік жасадық. Ол екі сенсор арқылы, біреуі мұрын қуысындағы нерв талшықтары және көздегі нерв талшықтарына жарық сәулесі түсіп, сол арқылы мидың жасанды интелектқа қатысты жауап беретін жақсы информациялар арқылы әртүрлі адам ағзасындағы ауруларды емдеуге арналған.
