Қарапайым жұмысшылардың да біліктілігін арттыру маңызды. Бұл- заман талабы. Қызылорда облысы Нағи Ілиясов ауылында өткен механизаторлармен кездесуде осы мәселе сөз болды. Ауыл халқы негізінен күріш өсірумен айналысады. Әр отбасынан кем дегенде бір адам егін егіп, саланың дамуына үлес қосуда. Шаруашылықта 480 адам жұмыс істесе, оның 90 пайызы қарапайым жұмысшы. Механизаторларға жылдан жылға сұраныс артып келеді. Оларға жүктелетін жауапкершілік те үлкен.
АБЗАЛ ЕРАЛИЕВ, ҚАЗАҚСТАННЫҢ ЕҢБЕК ЕРІ:
Біліктілікті арттыру деп жатырмыз. Себебі қазіргі келіп жатқан техниканың барлығы элоктроника, цифрландырылған. Өйткені жұмыстың сапасын арттыруға, өзіміз өндіріп жатқан өнімнің сапасын арттырып жатыр сол техниканың арқасында. Осы азаматтар керек, себебі мамандар кішкене тапшылық бар.
