Оралдағы Мәншүк Мәметова музейі көне жәдігерлермен толықты. Соғыс кезінен қалған бұл бұйымдарды тұрғындар әкелген. Қанды қасаптың тілсіз куәгеріне айналған бұйымдардың пулемет оқтары, "лимонка" деген атпен танымал қол гранатасы және неміс жауынгерлерінің күнделікті бұйымдары бар. Сонымен қатар әскери дәрігер, соғыс ардагері Хамза Зейнуллиннің орден-медальға толы парадтық костюмі мен шинелі, құжаттары, фотосуреті мен сағаты да бар.
АХМЕДИЯР БАТЫРХАНОВ, М. МӘМЕТОВА МЕМОРИАЛДЫҚ МУЗЕЙІНІҢ МЕҢГЕРУШІСІ:
Ауған соғысының ардагері Тимур Ғиззатов ағамыз музейге 160 жәдігер берді. Соның ішінде соғыс жылдарынан сақталған НС-23 дейміз, ұшақтардың ірі калибрлі пулемет оқтары, неміс фашист-басқыншыларының свастика белгісі салынған алюминий қасық және жау диверсанттарының киімінде пайдаланған темірлерді берген болатын.
Кеңес Одағының батыры Мәншүк Мәметова музейі 40 жыл бұрын ашылған еді. Бұл үйде өткен ғасырдың 30 жылдары Мәметовтер әулеті тұрған. Музейге сол кездегі тұрмыстық заттар, тіпті батыр қыздың туыстарына жазған хаттары мен суреттері қойылған. Айта кетелік, соғыс жылдары бомбаның астында қалған Батыс Қазақстан облысының Жәнібек пен Бөкей Ордасы аудандарына неміс тыңшылары жіберіліпті.
