ҚМА төрағасының орынбасары Жеңіс Елемесов блогер Перизат Қайратқа қатысты қылмыстық іс аяқталғанын айтып, қазір материалдар зерделеніп жатқанын мәлім етті, деп хабарлайды Azattyq Rýhy.
Елемесовтың айтуынша, тергеу кезінде шығынның мөлшері түрлі болса, қазір оның құны 3,5 млрд теңгеге жеткен.
«Олар қылмыстық жолмен табылған дүние болды. Мысалы, Перизат Қайрат гүл дүкенін сатып алу үшін ақша құйған. Қоғамға өзін бизнес леди ретінде көрсетіп, бизнес арқылы ақша тауып отырғандай көрсеткен. Сот оның бағалы мүлкінің тағдырын шешеді. Олар жәбірленушілердің шығынын қайтаруға жұмсалады не болмаса тәркіленген мүлік ретінде мемлекетке қайтарылады», - деді Жеңіс Елемесов.
Бұл ретте ол осы іс бойынша неше жәбірленуші бар екенін нақты айта алмады. Дегенмен, олардың арасында қайырымдылық қорына қомақты қаражат аударған адамдар бар. Ал кейбір зардап шеккендердің құқығын прокуратура қорғайды.
