Атышулы «Мадлен» есімімен танымал блогер Мадинахон Мамадалиева Таиландтағы демалыс кезінде келеңсіз жағдайға тап болғанын айтып берді, деп хабарлайды Azattyq Rýhy.
«Мен Пхукет аралында Bolt қосымшасы арқылы такси шақырдым. Біз отбасымызбен бірге таксиге шыққанша, кешігіп қалдық. Такси жүргізушісі сол үшін ашуланып, бізді тай тілінде балағаттап, айқайлай бастады. Анам екеумізді суретке түсіріп алып, мені нұсқап «бауыздаймын» деп көрсетті. Кейін мен бұл таксимен «бармаймыз» деп бас тарттым. Ол одан бетер мені боқтап, қоқан-лоқы көрсетті», - дейді блогер.
Блогердің айтуынша, таксист кейін ол ізін суытқан. Бірақ блогер қорыққанынан анасымен бірге басқа қонақ үйге көшіп кеткен.
«Күні бойы жыладым. Бұл оқиғадан өте үлкен стресс алдым. Менің түрімді біледі, суретке түсірді. Ертең біреулерді ізіме салса да, кім біледі. Сол себепті анам екеуміз басқа қонақ үйге көшуге мәжбүр болдық. Қосымша 1 млн теңге ақша жұмсадым. Бұл жақтың адамдары қазір өте агрессивті, байқап жүріңіздер», - деді Мамадалиева.
Кейін оның оқырмандары Таиландтағы таксилер қазір туристерді бопсалау үшін сондай әрекеттер жасайтынын жазған.
