Павлодарда моншадағы төбелес өліммен аяқталды. Бірнеше адам жабылып, моншаға келген екі адамды аяусыз сабаған. Алған жарақатынан соққыға жығылған 52 жастағы азамат сол жерде көз жұмды. Төбелестің видеосы бейнебақылау камерасына түсіп қалған. Қазір осы іске қатысы бар екі күдікті қамауға алынды. Тергеу амалдары жүріп жатыр. Жанжалға не себеп болғаны әзірге белгісіз. Белгілісі моншаға келушілер ішімдік ішкен.
ЖАННА БІЛӘЛОВА, ОБЛЫСТЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:
Жәбірленушінің өліміне әкеліп соққан денсаулыққа қасақан ауыр зиян келтіру фактісі бойынша қылмыстық іс қозғалды. Екі күдікті ізін суытпай ұсталынып, ұстау изоляторына қамалды. Қазіргі уақытта қылмыстың барлық жағдайлары мен себептерін объективті тергеуге бағытталған қажетті тергеу әрекеттері жүргізілуде.
