Екінші дүниежүзілік соғыста қаза тапқан жауынгерлер мен командирлер марапатталды. "Ерлік пен адалдық" медалі батырлардың туған-туыстарына тапсырылды. Марапатталған майдангерлердің сүйегі іздестіру жұмыстары кезінде жақында ғана табылған. Аталмыш медаль жасақтың 45 жылдық мерейтойына орай әзірленіп, осымен екінші мәрте табысталды.
АСХАТ НАЛШЫБЕК, "ЖАС САРБАЗ" ЖАСӨСПІРІМДЕР ӘСКЕРИ-ПАТРИОТТЫҚ ҚОЗҒАЛЫСЫ" РҚБ ҚАЛАЛЫҚ ФИЛИАЛЫНЫҢ ТӨРАҒАСЫ:
Бүгінгі таңда үлкен іздестіру жұмыстары жүріп жатыр. Және осы жұмыстың нәтижесі ретінде бүгінгі таңда көптеген адамның, із-түссіз жоғалған адамдардың сүйегі табылып, Қазақстанға алып келіп отыр. Бауыржан Момышұлы атамыздың керемет сөзі бар: -Ешкім іштен батыр боп тумайды, батырлық та өскен орта, көрген тәрбиеге байланысты қалыптасады, - дейді. Сол себепті жас ұрпақтарымыздың бүгінгі шараға қатысуы өте маңызды рөл атқарады.
