Қостанайда 7 соғыс ардагері тұрады. Қарт жауынгердің бірі -Қасымхан Алдабергенов.99 жастағы ақсақал әлі тың. Әскер қатарына 1943-ші жылы алынған. Алты айлық жаттығудан өтіп, әуе десанты атаныпты.Алайда ұрысқа жаяу әскер есебінде кірген көрінеді.Соғыс ардагері Еуропаны жаудан азат етуге қатысып, талай рет жаумен бетпе-бет келіп айқасқанын айтады. Сұрапыл соғыстан оралған соң жыраулық пен айтыскерлік өнердің өр биігіне шығады. Қаламы жүйрік журналист. Ұлағатты ұстаздың ғибратты ғұмыры талай ұрпаққа өнеге.
ҚАСЫМХАН АЛДАБЕРГЕНОВ, СОҒЫС АРДАГЕРІ:
Будапештен Болотаннан бастадық соғысты алғы шепте.Венгрияны өттік.Түгел азат еттік.Апрельдің іші 45 жылы Австрияға келдік.Вена қаласын алдық. Содан Чехославакияға келіп түстік Дунайдан өтіп.Алдыңғы шепте майдан жүргенде соғыс бітті.
Жеңістің 80 жылдығы қарсаңында соғыс ардагерлеріне 5 миллион теңгеден ақша берілді.Екі ақсақалға әлеуметтік қызметкер қызмет көрсетіп келеді.Онан бөлек ай сайын қырық мыңға жуық теңге қала қазынасынан төленеді.
АҚБӨПЕ МАНАТОВА, ҚАЛАЛЫҚ ЖҰМЫСПЕН ҚАМТУ ЖӘНЕ ӘЛЕУМЕТТІК БАҒДАРЛАМАЛАР БӨЛІМІНІҢ БАСШЫСЫ:
Ай сайын жаңағы соғыс ардагерлеріне үйдің жағдайына байланысты 10 айлық есептік көрсеткіш төлеп тұрамыз. 9 майдың сыртында.Содан кейін тыл ардагерлеріне де төлем төленеді.Қазіргі уақытта тыл ардагерлерінің саны 600 адамнан астам тұрады біздің Қостанай қаласында.
