$501.57 €554.34 ₽5.98
×

Павлодар облысының Ақсу қаласында «Кітап-amanat» орталығы ашылды

AstanaTV
03.04.2025ж. 20:00
134
Павлодар облысының Ақсу қаласында «Кітап-amanat» орталығы ашылды

Павлодар облысының Ақсу қаласында «AMANAT» партиясының жобасы аясында «Кітап-amanat» орталығы ашылды. Мұнда кітап сатып алып ғана қоймай, кітап оқуға, оқыған кітаптарын талқылауға арналған рухани орталық жұмыс істейтін болады. Дүкенде қазақстандық ақын, жазушылардың  сұранысқа ие болған үздік туындылары қойылған.   Бұл -жиырма төртінші «Кітап-amanat» орталығы.

ШОЛПАН КАРИНОВА, «AMANAT» ПАРТИЯСЫНЫҢ ХАТШЫСЫ:

«Кітап-amanat» орталығының негізгі мақсаты бұның идеологиялық мазмұны. Мына кітап оқуға, кітап сүюге, оқу сауаттылығын арттыруға әсер ету. Сонымен қатар қазақстандық баспагерлерді, қазақстандық жазушыларды, ақындарды қолдай отырып, кітап оқу үрдісіне үлкен әсер ету. Ұлттық құрылтайда  Президентіміз тәулік бойы жұмыс істейтін кітапхананы ашу мақсатын қойған болатын. Міне, осы жүйелі түрде елімізде барлық бағыттарда осы жұмыс сәтті іске асып келе жатыр.


Ал Шымкентте  «AMANAT» партиясы Қаратау аудандық филиалының ұйымдастыруымен белгілі жазушы, тарихшы, шежіреші Момбек Әбдәкімұлының шығармашылық кеші өтті.Бұл кеш- «КІТАП-AMANAT» партиялық жобасы аясындағы  шаралардың бірі.  Жиында Момбек Әбдәкімұлының өмірі мен шығармашылық жолы айтылды.  Шығармаларынан үзінділер оқылды. Жазушының зерттеулері мен еңбектерінің қазақ әдебиеті мен тарихына қосқан үлесі ерекше атап өтілді.

ЕРБОЛ БАЙҚОНЫСОВ, «AMANAT» ПАРТИЯСЫ ШЫМКЕНТ ҚАЛАЛЫҚ ФИЛИАЛЫ АТҚАРУШЫ ХАТШЫСЫНЫҢ ОРЫНБАСАРЫ:

Бұл енді біздің «КІТАП-AMANAT»  жобасында болғандықтан біз енді кітап оқуды басты мақсат етіп отырмыз. Өйткені біздің ұлтымыз бірінші кезекте кітап арқылы тәрбиеленетіні белгілі. Өйткені, кітап-ақылына ақы сұрамайтын асыл қазына деп жатады. Сондықтан осы бағытта біз бұл жұмыстарды жалғастыратын боламыз.