$501.57 €554.34 ₽5.98
×

Қапшағай жағасы қоқыстан тазартылды

AstanaTV
03.04.2025ж. 20:00
141
Қапшағай жағасы қоқыстан тазартылды

Алматы облысының орталығы – Қонаев қаласында «Таза жағажай» экологиялық акциясы өтті. Оған жергілікті тұрғындар, жастар, белсенділер мен қоғамдық ұйым өкілдері қатысты. Шараның басты мақсаты – жағажай аумағын тазарту, су айдындарының ластануын болдырмау және қоршаған ортаны қорғауға қоғам назарын аудару дейді ұйымдастырушылар. Жалпы, 200-ден астам адам жұмылып, жағажайды тұрмыстық қалдықтардан тазартты. Нәтижесінде 3 тоннадан астам қоқыс жиналды.

БАЗАРБАЙ ОРАЛБАЕВ, ҚОНАЕВ ҚАЛАСЫ АРДАГЕРЛЕР КЕҢЕСІНІҢ ТӨРАҒАСЫ:

Былтырдан бері мынау әлгі президенттің айтқан акциясы басталды ғой Таза Қазақстан деген. Сол Таза Қазақстаннан кейін мына қазірге дейін әлі жалғасып жатыр біздің енді қазір көктем шығып күн ашылып, жер босап, жер шығып, көктеп жатыр. Соған байланысты біз де шығып, қалған қоқыстың барлығын жинап, осы қаламыз таза болса екен.