Қостанай облысында жол-көлік оқиғасына кінәлі жүргізуші 10 жылға сотталып кетті. Оның кінәсінен төрт адам көз жұмды, деп хабарлайды Azattyq Rýhy.
Осы жылдың 18 наурызында Қостанай облысының прокуратурасы төрт адамның өмірін қиған жол-көлік оқиғасы бойынша қылмыстық іс бойынша айыптау актісін бекітті.
Тергеу барысында анықталғандай, 2024 жылдың 28 қазанында «Қостанай-Әулиекөл-Сурган» тас жолының 68 шақырымында Қарағанды облысының 59 жастағы тұрғыны «TANK» автокөлігін басқарып келе жатып, қарсы бағытқа шығып кеткен, нәтижесінде ол «Ваз» көлігімен соқтығысқан.
«Оқиға салдарынан «Ваз» көлігінің жүргізушісі мен оның үш жолаушысы қаза тауып, тағы біреуінің денсаулығына ауыр зиян келген.
Кінәлі жүргізушінің әрекеттері Қазақстан Республикасы Қылмыстық кодексінің 345-бабының 4-бөлігі (Автокөлік жүргізетін адамның абайсызда адам денсаулығына ауыр зиян келтіруге және төрт адамның өліміне алып келген жол жүрісі қағидаларын бұзуы) бойынша сараланды.
Баптың санкциясында белгілі бір лауазымдарды атқару немесе белгілі бір қызметпен айналысу құқығынан жеті жылға дейінгі мерзімге айыра отырып, он жылға дейінгі мерзімге бас бостандығынан айыру көзделген.
Қылмыстық іс Қостанай облысының қылмыстық істер жөніндегі мамандандырылған сотына жіберілді», - делінген хабарламада.
