Атырауда “Таза Қазақстан” бағдарламасы аясында “Бұл - менің ағашым” акциясы өтті. Экологиялық шараны ұйымдастыруға қалалық Жастар ресурстық орталығының жанынан құрылған «Jana jastar» волонтерлік ұйымы мұрындық болды. Белсенділер “Шаңырақ” балалар үйінің ауласына жаңару күнінде 100 түп жеміс ағашын еккен еді. Бұл жолы да алма, алмұрт, шие, өрік секілді жүз ағаш екті. Балалар үйінің тәрбиеленушілері күтіп-баптап, өз маңдай терімен өсірген жемісті теріп алады. Осы арқылы табиғатқа деген қамқорлыққа, еңбекқорлыққа үйренеді,- дейді.
ЕРКЕБҰЛАН МУТИҒУЛЛИН, ҚАЛАЛЫҚ ЖАСТАР РЕСУРСТАР ОРТАЛЫҒЫ БАСШЫСЫНЫҢ ОРЫНБАСАРЫ:
Белсенді жастар, мектеп оқушылары және еріктілер қатысуда. Ағашты екеннен кейін әрі қарай күтімі жөніндегі жауапкершілікті балалар үйінің тәрбиеленушілері алады өздеріне.
