Украина президенті Владимир Зеленский, Украинаға алғашқы бітімгерлердің арасында Францияның әскери қызметшілері болатынын мәлімдеді, деп хабарлайды BAQ.KZ.
Оның айтуынша, қазіргі уақытта Франция мен Ұлыбритания еуропалық бітімгерлік контингентті Украинаға жіберуді ұсынуда. Алайда, бітімгерлердің нақты саны мен келу мерзімдері туралы мәлімет әлі нақты емес.
Зеленский шетелдік және украин әскери қызметшілері арасында өткен кездесуде бітімгерлерді тарту мерзімдері талқыланғанын айтты. Ол Украина үшін маңызды кезеңдерде олардың көмегіне сенім арту мүмкіндігі қарастырылып жатқанын атап өтті. Сонымен қатар, бұл процесте Франция мен Ұлыбританиядан басқа да көптеген елдер қатысып жатыр. Қазір әскерлердің құрлықта, теңізде және аспанда қорғанысқа қатысу мәселелері талқылануда.
Президент Украинаға шетелдік бітімгерлерді тарту үшін тағы бір ай уақыт қажет екенін айтты, бірақ бұл процесс ұзаққа созылмайды. Украина қажетті инфрақұрылымды дайындайды. Сонымен қатар, әскери кездесулер тұрақты түрде, аптасына бір рет өтетін болады.
Алайда Ресей Украинадағы шетелдік әскерлердің орналасуына қарсы екенін және мұны елдің ішкі істеріне араласу деп санайтынын мәлімдеді.
