Польша ғалымдары ер адамдарда неке мен семіздік арасындағы заңдылықты анықтады. Үйленген ерлердің бойдақтарға қарағанда семіздікке шалдығу ықтималдығы үш есе жоғары, ал неке әдетте әйелдердің салмағына әсер етпейді екен. Бұл туралы Stan.kz ақпарат агенттігі The Guardian басылымына сілтеме жасап хабарлайды.
Варшавадағы ұлттық кардиология институтының ғалымдары шамамен 50 жастағы 2405 адамның денсаулығы туралы мәліметтерді зерттеді. Сараптама нәтижесінде неке ерлердің семіру ықтималдығын 62% арттыратынын көрсетті. Үйленген ерлердің семіздікке шалдығу ықтималдығы бойдақ еркектерге қарағанда 3,2 есе жоғары.
Ал әйелдерде салмақ қосу ықтималдығы 39% артады. Бірақ некеден кейін әйелдер семіздікке шалдығатыны туралы қауіп жоқ.
Еркектердегі семіздіктің себептері – шамадан көп тамақтану және физикалық белсенділіктің төмендеуі. Кейбір факторлар жұмыстағы стрессті және дұрыс емес диетаны қамтуы мүмкін. Сондай-ақ жалғызбасты ерлердің серігін табу үшін өзіне қарап, жаттығуға жиірек барады деген фактор да бар. Ал отбасын құрған әйелдер әлеуметтік қысым мен сұлулық стандарттарына байланысты салмағына аса мән береді.
Депрессия және дұрыс емес өмір салты әйелдердің семіздік қаупін екі есе арттырады. Семіздік көбіне шағын қалаларда тұратын әйелдерде кездеседі.
"Бұл зерттеу артық салмақ адам соны өзі қалағаннан емес, әлеуметтік, психологиялық және кеңірек қоршаған орта факторларынан да туындайтынын еске салады. Жыл сайын артық салмақ немесе семіздікпен өмір сүру қаупі, әсіресе әйелдер үшін артады. Сонымен бірге ер адамдардағы неке мен семіздік арасындағы байланыс өмір салты, әдеттер біздің денсаулығымызды қалай өзгертетінін көрсетеді", – деді Джейбесн денсаулық сақтау департаментінің директоры.
Жас та салмақ қосу факторына айналды, жыл сайын артық салмақ қаупі ерлерде 3%, әйелдерде 4% артады. Ал семіздік қаупі ерлерде 4%, әйелдерде 6% көбейеді.
