Алматы және Алматы облысында өздерін полиция қызметкерімін деп таныстырып, халықты алдаған 6 адам ұсталды. Олар қоқан-лоқы көрсету арқылы жергілікті тұрғынның қаражаты мен көлігін қолды етті. Келтірілген залал сомасы 12 миллион теңгеден асады. Алаяқтардан жалған қызметтік куәліктер, іс жүргізу құжаттарының бланкілері, оқ-дәрі, мөр, суық қару, сондай-ақ түрлі елдердің мемлекеттік нөмір белгілері тәркіленді. Күдіктілер уақытша ұстау изоляторына қамалды. Оқиғаға қатысты қылмыстық іс қозғалып, тергеу жүріп жатыр.
