Нью-Йоркте тарихы Қазақстанмен тығыз байланысты еврей қауымы тұрады. Бұл туралы оның өкілдері 24KZ телеарнасының тілшісіне айтып берді, - деп хабарлайды Massaget.kz.
Қазақстандық телеарнаның журналисі Ердана Ержанұлы Екінші дүниежүзілік соғыс жылдарында қазақ жерінде жылы қарсы алған адамдардың естелігін жазып келген.
Олардың арасында Бухарадан шыққан ашкеназ еврейлері, сондай-ақ Холокосттан аман қалып, Қазақстанға қоныс аударған шамамен 100 мың адам бар:
"Қазақ халқына бізге өмір сыйлағаны үшін алғыс айтқым келеді. Холокост жылдары менің анам Қазақстаннан пана тапты – сіздер оны құтқардыңыздар. Ол адамдардың қандай мейіріммен қарсы алғанын, қолындағы соңғы дүниені бөліскенін жиі еске алатын. Соның арқасында мен қазір алдарыңызда тұрмын. Біздің балалар мен немерелеріміз өсіп келеді. Бір күні баруды армандаймын".
"Қазақстанның осындай күрделі геосаяси кезеңде ішкі келісімді қалай сақтап отырғаны таңғалдырады. Бірлік, теңдік, бейбітшілікті басты құндылық ретінде құрметтеу – бұл сіздердің ДНҚ-ларыңызда бар сияқты".
"Қазақ халқының түрлі ұлт өкілдеріне қаншалықты ашық және мейірімді екені мені таңғалдырды. Мұндай үлгі көптеген елдерге өнеге бола алады".
Іс-шараның модераторы – Ұлтаралық татулық қорының президенті, раввин Марк Шнайер. Ол Қазақстанда бірнеше рет болған.
"Бүгінгі кездесу көпшілікке маңызды, ол аз белгілі тарихи парақты алғаш рет ашты – Қазақстанның Холокост жылдары пана болғанын, еврейлердің басқа халықтармен қатар өмір сүргенін және Қазақстан мен Израиль арасында қандай берік байланыс орнағанын білдік. Бұл – нағыз достық", – деді Шнайер.
