Атырауда Қызылорда облысынан келген 17 жасар жасөспірімнің есірткі жасырып жүргені анықталды.
Атырау облыстық полиция департаменті баспасөз қызметінің мәліметіне қарағанда, қызылордалық жасөспірім есірткі жасырумен айналысқан.
– Есірткі қылмысына қарсы күрес басқармасының қызметкерлері Қызылорда облысының 17 жасар тұрғынын есірткіні заңсыз тасымалдау күдігімен ұстады. Күдіктіні тінту кезінде қара изолентпен оралған 25 түйіншек табылды. Түйіншектің әрқайсысына 1 грамм ақ түсті ұнтақ салынған. Сараптаманың қорытындысымен ақ түсті ұнтақтың «Альфа-PVP» синтетикалық есірткі екені дәлелденді. Есірткінің жалпы салмағы – 24,7 грамм, - деп хабарлады департаменттің баспасөз қызметі.
Сот шешімімен есірткіні заңсыз тасымалдаған жасөспірім тергеу изоляторына қамауға алынды.
– Қазір күдіктіге қатысты ҚР Қылмыстық кодексінің 2297-бабының 3-бөлігінің 3-тармағымен сотқа дейінгі тергеу басталды. Өзге ақпарат ҚР Қылмыстық-процестік кодексінің 201-бабына сәйкес жариялауға жатпайды. ҚР Конституциясының 77-бабы 3-тармағының 1-тармақшасы, ҚР Қылмыстық-процестік кодексінің 19-бабының 1-бөлігіне сәйкес адамның кінәлі екендігі заңды күшіне енген сот үкімімен танылғанша жасаған қылмысқа кінәлі емес деп есептеледі, -деп мәлім етті департаменттің баспасөз қызметінен.
Бұл туралы kaz.inform.kz хабарлайды.
