Даңқты батыр Бауыржан Момышұлының портреті футбол алаңына бейнеленді. Алып фотомозаика халық қаһарманының 115 жылдығына орай жасалды. «Астана-Арена» стадионының төріндегі суретті елордадағы бейнелеу өнері үйірмелеріне қатысатын 600-ден аса бала әзірлеген. Әр бала өз бөлігін орналастыру арқылы тарихи тұлғаның бейнесін қалыптастыруға үлес қосты. Олар бұл шығармаға бірнеше апта дайындалған. Алып туындының ұзындығы - 70, ені - 32 метр. 2736 шаршы метрлік портрет дүниежүзілік рекордтар кітабына енді.
