Қазақстандық қорғаушы Спартак Чукреев USHL-де "Dubuk fighting Saints" сапында ойнайды. Хоккейшіні осы клуб лига жобасында таңдаған болатын, – деп хабарлайды Ulys Sport.
Өткен маусымда 15 жастағы хоккейші Бостон академиясының құрамында болған. Тұрақты чемпионаттың 63 матчында ол 38 (9+29) ұпай жинаған.
Естеріңізге сала кетейік, "Dubuk fighting Saints" үшін Андрей Буялский 2020-2021 жылдары ойнаса, 2024-2025 жылдар аралығында Бексұлтан Мақаш ойнады.
USHL (United States Hockey League ) – АҚШ-тың жас хоккей лигасы. Онда 16 мен 20 жас аралығындағы ойыншылардан тұратын 17 команда қатысады.
