Түріктің танымал актері Бурак Өзчивит Алматыда тұсау кесіп жүр, деп хабарлайды КТК.
Ол кино индустриясымен қатар, той бизнесіне көшкен сыңайлы.
Кино жұлдызына Қуаныш Шынтеміров есімді азамат ұлының тұсауын ырымдап кестірген. Актерға ұқсап өнерлі, талантты, танымал болсын деген ниетпен. Бұған бірақ желі қолданушыларының пікірі екіге бөлінді. Көбі «енді жетпегені осы еді» деп, түрік актерін сынға алып жатса, енді бірі қолдау білдірген. Ал бүлдіршіннің әкесі қазақы салт-дәстүрге сай, сый-құрметін көрсетіп, Буракқа алғысын білдірді.
