31 мамырда УЕФА Чемпиондар лигасының осы маусымдағы шешуші ойыны өтеді, онда француздың ПСЖ клубы мен италиялық «Интер» чемпиондық атақты сарапқа салады, деп хабарлайды El.kz ақпарат агенттігі.
Бұл қос команда үшін тарихи матч болмақ – себебі олар ресми матчта алғаш рет бір-бірімен кездеседі.
8 мамырға қараған түні «Пари Сен-Жермен» өз алаңында лондондық «Арсеналды» 2:1 есебімен жеңіп, Чемпиондар лигасының финалына жолдама алды.
Енді ПСЖ мен «Интер» 31 мамырда Германияның Мюнхен қаласында өтетін УЕФА Чемпиондар лигасының шешуші ойынында кездеседі.
Франция мен Италияның қазіргі чемпиондары үшін бұл – ресми деңгейдегі алғашқы кездесу, бұған дейін олар тек жолдастық матчтарда ойнаған.
Шыны керек, турнир басталғанда бұл екі клуб басты фавориттер қатарында болмаған, ал енді олар Еуропаның ең беделді футбол жарысының жүлдесін сарапқа салады.
