Бүгін футболдан Премьер-лига командалары арасындағы Қазақстан чемпионаты 8-турында «Ақтөбе» семейлік «Елімайды» жеңді.
Турнир кестесінде қатарлас келе жатқан командалар тартысты ойын өткізді. Жанкүйерлер аталған кездесуге ерекше қызуғышылық туғызды. Оған қоса семейлік клубтың бас бапкері Андрей Карпович 2022-2023 жылдарда ақтөбелік клубқа жетекшілік жасаған еді.
Ойынның 55-минутында Әлібек Қасым соққан гол «Ақтөбе» командасына жеңіс алып келді.
Осылайша ақтөбелік клуб қарсыласынан 1:0 есебімен басым түсіп, турнир кестесінде 14 ұпаймен екінші орынға көтерілді.
Бұл туралы kaz.inform.kz хабарлайды.
