Көлік министрлігі бірнеше бағытта халықаралық әуе рейстері қатынайтыны туралы хабарлады.
- Биыл мамыр айынан бастап Қазақстаннан 10 елге ұшуға мүмкіндік беретін жаңа әуе бағыттары ашылады. Бұл мемлекеттердің қатарында Мажарстан, Германия, Түркия, Грузия, Әзербайжан, Қырғызстан, Өзбекстан, Қытай, Корея және Вьетнам бар, - делінген хабарламада.
«SCAT» әуе компаниясы мамыр айында Шымкент қаласының әуежайынан төмендегідей жаңа әуе маршруттарды ашуды жоспарлап отыр:
27 мамырдан бастап:
Шымкент – Будапешт (Мажарстан), аптасына 2 рейс;
Шымкент – Мюнхен (Германия), аптасына 3 рейс;
29 мамырдан бастап:
Шымкент – Шанхай (Қытай), аптасына 2 рейс;
Шымкент – Сеул (Корея), аптасына 2 рейс.
Сондай-ақ «Air Astana» әуе компаниясы бірқатар жаңа халықаралық әуе қатынасын іске қосуды жоспарлап отыр:
14 мамырдан бастап: Астана – Дананг (Вьетнам), аптасына 2 рейс;
27 мамырдан бастап: Атырау – Тбилиси (Грузия), аптасына 3 рейс;
28 мамырдан бастап: Алматы – Ош (Қырғызстан), аптасына 4 рейс;
31 мамырдан бастап: Атырау – Баку (Әзербайжан), аптасына 3 рейс.
«Fly Arystan» әуе компаниясы:
18 мамырдан бастап: Алматы – Құлжа (Қытай), аптасына 2 рейс;
28 мамырдан бастап: Астана-Газипаша (Түркия), аптасына 2 рейс.
- Өзбекстандық «My Freighter» (Centrum Air) әуе компаниясы биыл 5 мамырдан бастап аптасына 2 рейс «Алматы – Ташкент» (Өзбекстан) бағытын іске қосты. Сондай-ақ, 13 мамырдан бастап «Azerbaijan Airlines» әуе компаниясы «Астана – Баку» (Әзербайжан) бағыты бойынша рейстердің жиілігін аптасына 3-тен 4 ретке ұлғайтуды жоспарлап отыр, - деп толықтырды ведомстводан.
