Ғарыш саласындағы жұмысты жетілдіру үшін кадр тапшылығын шешуге ерекше назар аудару қажет. Бұл туралы Сенат төрағасы айтты. Мәулен Әшімбаев бір топ депутатпен Ұлттық ғарыш орталығына барып, ғарыш аппараттарын шығаратын құрастыру-сынау кешенінің қызметімен танысты. Саланы дамытуға арналған жобаларды іске асыру барысын талқылады. Сенат төрағасы білім беру сапасын арттыруға, ұлттық спутниктік бағдарламаны дамытуға және жобаларды коммерцияландыруға көңіл бөлу керек екенін жеткізді.
