Ақтөбеде полицейлер суға кетіп көз жұмған марқұмның денесін екі ай бойы мәйітханада ұстап, кейін белгісіздер зиратына жерлеген. Ал оны күні-түні іздеген жақындары бұл туралы үш күннен кейін ғана естіпті. Қала тұрғыны былтыр Қарғалы өзеніне батып көз жұмған. Бұл оқиға бойынша Қалалық полиция басқармасы сотқа дейінгі тергеп-тексеруді бастаған,бірақ марқұмның туыстарына хабар бермеген көрінеді.
ЖАНСАЯ ТАИРОВА, ОБЛЫСТЫҚ СОТ БАСПАСӨЗ ҚЫЗМЕТІ БӨЛІМІНІҢ БАС МАМАНЫ:
Талап қоюшылар жауапкерлердің әрқайсысынан 2 миллион теңге көлемінде моральдық зиян ретінде өтемақы өндіруді сұраған. Соттың шешімімен Ақтөбе облысы Полиция департаментінен әр талап қоюшының пайдасына 300 мың теңге өндірілді. Сот шешімі заңды күшіне енген жоқ.
