Синоптиктердің болжауынша, жексенбі, 18 мамырда Қазақстанның бірқатар өңірінде найзағай ойнап, нөсер жаңбыр жауады, бұршақ жаууы мүмкін, шаңды дауыл соғып, аптап ыстық болады, өрт қаупі өте жоғары, деп хабарлайды Azattyq Rýhy «Қазгидрометке» сілтеме жасап.
Өңірлер бойынша болжам
Ақмола облысы
Облыстың батысында өрт қаупі өте жоғары. Көкшетауда түнде және таңертең найзағай ойнап, тұман түседі, солтүстіктен жел соғады, күндіз екпіні 15-18 м/с.
Павлодар облысы
Батыста және оңтүстікте түнде және күндіз қатты жаңбыр, бұршақ жауады, найзағай ойнайды. Солтүстік-шығыстан соғатын желдің екпіні 25 м/с. Павлодарда күндіз найзағай ойнап, жел 20 м/с күшейеді.
Солтүстік Қазақстан облысы
Оңтүстікте және шығыста найзағай ойнайды, күндіз бұршақ жауады. Солтүстік, солтүстік-батыс желінің екпіні 28 м/с. Петропавлда жел 20 м/с күшейеді.
Қостанай облысы
Оңтүстікте және шығыста қатты жаңбыр жауады, найзағай ойнайды, бұршақ жауады. Түнде және таңертең тұман түседі. Солтүстік, солтүстік-батыс желінің екпіні 23 м/с. Оңтүстікте өрт қаупі жоғары болады.
Қарағанды облысы
Нөсер жаңбыр, бұршақ жауады, найзағай ойнайды. Солтүстік-батыстан соғатын жел оңтүстік-батысқа ауысады, екпіні 30 м/с және одан жоғары болады. Қарағандыда күн жауын-шашынды, найзағай ойнап, бұршақ жаууы мүмкін.
Ұлытау облысы
Найзағай ойнап, дауыл соғады, жел 25 м/с күшейеді, Жезқазғанда түнде найзағай ойнап, күндіз дауыл соғады. Өрт қаупі әлі де жоғары.
Шығыс Қазақстан облысы
Күндіз күн күркіреп, бұршақ жауады, дауыл соғады, 35–37°С дейін ыстық болады. Оңтүстік-шығыстан соғатын жел оңтүстік-батысқа ауысады, екпіні 28 м/с жетеді. Өскеменде күн күркіреп, бұршақ жауады, аптап ыстық болады.
Абай облысы
Найзағай ойнап, бұршақ жауады, дауыл соғады, 35°С-қа дейін аптап ыстық. 28 м/с жылдамдықпен жел соғады. Семейде найзағай ойнап, бұршақ жауады. Өңірде төтенше өрт қаупі сақталады.
Атырау облысы
Батыста, оңтүстікте және солтүстік-шығыста, сондай-ақ Атырау қаласында өрт қаупі жоғары болады. Жел – 20 м/с дейін.
Батыс Қазақстан облысы
Оңтүстік-шығыстан соғатын жел оңтүстік-батысқа ауысады, екпіні 20 м/с жетеді.
Маңғыстау облысы
Батыста және Ақтауда түнде және таңертең тұман түсіп, өрт қаупі жоғары деңгейде сақталады.
Ақтөбе облысы
Оңтүстікте және шығыста күн күркіреп, бұршақ жауады, дауыл соғады, оңтүстік-шығыста өте жоғары өрт қаупі сақталады.
Алматы облысы
Тауларда және оңтүстікте қатты жаңбыр жауып, найзағай ойнайды, бұршақ жауады, дауыл соғады. 25 м/с жылдамдықпен жел соғады. Алматыда – қатты жаңбыр, найзағай, бұршақ, Қонаевта найзағай ойнап, бұршақ жауады.
Жетісу облысы
Батыста, оңтүстікте және тауларда жаңбыр, бұршақ жауып, дауыл, шаңды дауыл соғады. 29 м/с жылдамдықпен жел соғады деп болжануда. Талдықорғанда найзағай ойнайды. Өрт қаупі жоғары.
Түркістан облысы
Солтүстікте, батыста, тауларда және шөлдерде найзағай ойнап, шаңды дауыл соғады. 28 м/с жылдамдықпен жел соғады. Өңірде өрт қаупі жоғары. Түркістан мен Шымкентте найзағай ойнап, дауыл, шаңды дауыл соғады.
Жамбыл облысы
Нөсер жаңбыр, бұршақ жауады, шаңды дауыл тұрады. 28 м/с жылдамдықпен жел соғады. Өңірде жоғары жоғары. Таразда найзағай ойнап, бұршақ жауады, дауыл соғады.
Қызылорда облысы
Солтүстікте, орталықта және шығыста найзағай ойнап, дауыл, шаңды дауыл болады. Қызылордада түнде найзағай ойнап, күндіз шаңды дауыл соғады, жел 20 м/с күшейеді. Өрт қаупі әлі де өте жоғары.
