Оқиға Астана циркінде болған. Көрсетілім кезінде гимнаст қыз бес метр биіктіктен құлап кеткен, - деп хабарлайды Massaget.kz.
Бұл ақпаратты қалалық қоғамдық денсаулық сақтау басқармасы растады.
"Қыз бес метр биіктіктен құлап, жарақат алды. Оқиға орнынан жедел жәрдем алып кетті. Бас жарақаты мен ми шайқалу диагнозы қойылды. Жалпы жағдайы – орташа ауыр, тұрақты", – деп хабарлады басқарма.
Қазір зардап шеккен қыз ауыр жарақат бөліміне жатқызылған. Көпжарақат – бірнеше ауыр жарақаттың жиынтығы, әрқайсысы арнайы емдеуді қажет етеді. Айта кетейік, дәл осындай оқиға елордалық циркте 2017 жылы да болған. Ол кезде акробат қыз үш метр биіктіктен құлап, өміріне қауіп төнбейтін жарақаттар алған еді.
