Шығыс Қазақстан облысы экология департаменті Өскемен титан-магний комбинаты ("ҚК ТМК"АҚ) ауданында атмосфералық ауадағы хлордың жоғары мөлшерін тіркеді. Талдау нәтижелері осы қауіпті химиялық элемент шекті рұқсат етілген концентрациядан асып кеткенін көрсетті. Бұл туралы Stan.kz ақпарат агенттігі хабарлайды.
19 мамырда өнеркәсіптік аймаққа жақын жерде қатты түтін мен жағымсыз иіс туралы ақпарат желілерде тарала бастады. Кейін экологтар мен мемлекеттік органдардың өкілдері ауаның ластану деңгейін анықтау үшін сонда барды. Сарапшылар хлордың қалыптан тыс құрамының болуын растады. Сол себепті уақытша сақтық шараларын енгізуге шақырды.
"Экология департаменті жағдайды бақылауды жалғастыруда. Зиян заттардың рұқсат етілген шекті концентрациясының асып кету фактісі бойынша қолданыстағы экологиялық заңнама шеңберінде тиісті шаралар қабылданатын болады", - деп нақтылады ведомстводан.
Қала әкімдігі халыққа қауіп төндірмейтінін хабарлады. Алайда сақтық мақсатында тұрғындарға, әсіресе балаларға, қарттарға және тыныс алу органдарының созылмалы аурулары бар азаматтарға көшеде болуды шектеуді ұсынды.
Экология министрі Қазақстандағы тұмша мәселесін шешу үшін бес жыл күте тұруды сұрады
Энергетиктер депутаттардың кесірінен Қазақстанда электр энергиясының тарифі негізсіз өсетінін айтып дабыл қақты
Сондай-ақ мынадай шараларды қабылдауды ескертті:
– терезелер мен есіктерді мықтап жабу;
– сыртқа шыққанда дымқыл шүберекті немесе респираторды қолдану;
– жалпы уытты әсерді азайту үшін көбірек су ішу;
– ашық ауада физикалық белсенділіктен аулақ болу.
