Бүгін 9 қалада ауа сапасы нашарлайды

«Қазгидромет» РМК синоптиктері 2025 жылғы 21 мамыр күні Қазақстанның бірнеше ірі қалаларында ауада ластаушы заттардың шоғырлануы жоғары болады деп ескертті. Бұл адам денсаулығына қауіп төндіруі мүмкін, деп хабарлайды Azattyq Rýhy.

Қолайсыз метеорологиялық жағдайлар немесе ауа сапасының нашарлауына алып келетін метеожағдайлар мына қалаларда күтіледі:

• Қарағанды;
• Балқаш;
• Өскемен;
• Семей;
• Риддер;
• Атырау;
• Ақтөбе;
• Шымкент;
• Алматы.

Бұл қалаларда жерүсті қабатында зиянды заттар жиналуы мүмкін.

Қолайсыз метеорологиялық жағдайлар – бұл ауа райы құбылыстарының жиынтығы, мысалы:

• Тымық ауа райы;
• Әлсіз жел;
• Тұман;
• Температуралық инверсия.

Бұл жағдайларда ауада зиянды заттар таралмай, шоғырланып қалады, нәтижесінде:

• Ауа сапасы күрт нашарлайды;
• Инфрақұрылым тығыз орналасқан аудандарда және өндіріс орындары маңында улы қоспалар көбейеді;
• Тыныс алу жүйесі аурулары бар азаматтар мен балаларға ерекше қауіп төнеді.

Синоптиктер мен экологтар бұл күндері мынадай кеңес береді:

• Ауа райы болжамдарын қадағалап отыру;
• Ашық ауада ұзақ уақыт болудан бас тарту;
• Медицина мамандарының кеңестерін ескеру;
• Маска киюге және жабық терезе жағдайында үйде болу.