Синоптиктер Қазақстанның бірқатар өңірінде жаңбыр, бұршақ, жел және найзағай болатынын болжап, дауылды ескерту жариялады, деп хабарлайды Azattyq Rýhy.
Семейде найзағай және секундына 15-18 метрге дейін жететін екпінді жел күтіледі.
Павлодар мен Ақтөбе облыстарында жел және төтенше өрт қаупі болжанып отыр.
Ақтау, Атырау, Шымкент қалаларында, сондай-ақ Атырау және Маңғыстау облыстарында жоғары өрт қаупі сақталып отыр.
Қарағанды және Абай облыстарында найзағай, бұршақ, тұман, қатты жел және жоғары өрт қаупі күтіледі.
Павлодар және Ұлытау облыстарында тұман, секундына 15-20 метр жылдамдықтағы жел және төтенше өрт қаупі болжанған.
Түркістан, Алматы және Жамбыл облыстарында найзағай, бұршақ, жел, шаңды дауыл және төтенше өрт қаупі күтіледі.
