Қызылжарда балалар үйінің тәрбиеленушілері өрт сөндірушілердің жұмысымен танысты. Балаларды қорғау күні қарсаңында төтенше жағдай мамандары ашық есік күнін өткізді. Оқушылар құтқарушылар қызметінің қыр-сырын біліп, арнайы техникалар туралы ақпарат алды. Сала мамандары балалар арасында қызықты ойындар ұйымдастырып, оларға тәттілер сыйлады. Шараға 45 бала қатысты.
АСЛАН АХМЕТЖАНОВ, СҚО ТЖД МЕМЛЕКЕТТІК ӨРТ ҚАУІПСІЗДІГІ БАСҚАРМАСЫНЫҢ БАСШЫСЫ:
Төтенше жағдайлар департаменті бүгін облыс орталығының түкпір-түкпірінде балаларға арналған мерекелік іс шараны ұйымдастырып отыр. Барлығы мыңға жуық бала қамтылған. Бұл шараның басты мақсаты - балаларды өрт қаупінен сақтау, өртке қарсы амалдарға үйрету. Сондай-ақ, ашық есік күнінде біз құтқарушылардың ерлігін көрсете отырып, балаларды болашақта осы салаға бет бұруға шақыру.
