1 маусымнан бастап қазақстандық SCAT әуекомпаниясы Алакөлге жақын орналасқан Үшарал қаласына субсидияланатын рейстерді орындай бастайды, – деп хабарлайды AIkyn.kz.
Астана мен Үшарал, сондай-ақ Алматы мен Үшарал арасында аптасына 7 рейс орындалады. Бір бағыттағы билет құны – 20 мың теңге.
Сонымен қатар 2025 жылдың 1 маусымынан бастап SCAT әуекомпаниясы Астана мен Үржар, сондай-ақ Алматы мен Үржар арасында аптасына 7 рейс орындайды. Бұл әуе рейстері де субсидияланады, билеттер қолжетімді бағамен онлайн сатылымға шықты.
